+10 °С
Болотло
Башҡорт һәм татар эстрадаһының популяр йырсылары Радик Юлъяҡшин һәм Фирдус Тямаев бер йыл самаһы дауам иткән ыҙғышҡа нөктә ҡуйҙы. Хатта Тямай яҡташыбыҙ менән бергә ҡосаҡлашып төшкән видеояҙманы Инстаграмға һалды.
– Ысын ир-егеттәрсә ҡул бирештек! Теге буталсыҡ тарихҡа нөктә ҡуйҙыҡ бит. Алла бойорһа, яңы йылға бер үпкәһеҙ, шатлыҡ-ҡыуаныстар менән инәбеҙ, – тип һөйәрмәндәрен ҡыуандырҙы ул.
– Был бәхәстең онотолоуына мин дә шатмын. Быйылғы йылды ысын дуҫтарса оҙатабыҙ, – тип яҙҙы Юлъяҡшин да.
Йыл башында Миәкә районында Фирдус Тямаевтың концерттары өҙөлдө. Ошонан башланып киткәйне был ыҙғыш. Ике тәкә башы бер ҡаҙанға һыймай, ти халыҡ мәҡәле.