+12 °С
Ямғыр
Башҡортостанда коронавирусҡа ҡаршы вакциналау дауам итә. Төбәккә бөтәһе 2 735 658 доза Рәсәйҙә етештерелгән вакцина алынған. 28 декабргә алынған мәғлүмәттәр буйынса, 2 178 664 кеше вакцинаның беренсе компонентын эшләткән. 2 026 697 кеше иһә вакциналауҙың ике этабын да үткән. Башҡортостан Башлығы Радий Хәбиров үткәргән бөгөнгө кәңәшмәлә һүҙ шул хаҡта барҙы.
Вице-премьер – республиканың һаулыҡ һаҡлау министры Максим Забелин хәбәр итеүенсә, Башҡортостанда коронавирус менән зарарланыусыларҙың дөйөм иҫәбе 120914 кешегә еткән. Тәүлек эсендә 304 кешенең ковид менән ауырыуы асыҡланған. Бөтәһе 110258 кеше сирҙән имен-аман ҡотолған, шуларҙың 375-е – һуңғы тәүлектә.