Бөтә яңылыҡтар
Яңылыҡтар таҫмаһы
24 Декабрь 2021, 14:00

Бөгөн – Дима Биландың тыуған көнө

Рәсәйҙең атҡаҙанған артисы, билдәле йырсы, “Евровидение” конкурсында илебеҙҙең берҙән-бер еңеүсеһе Дима Биланға – 40 йәш.

Бөгөн – Дима Биландың тыуған көнө
Бөгөн – Дима Биландың тыуған көнө

Дима Ҡарасай-Черкес республикаһының Усть-Джегута ҡалаһы янындағы Мәскәү ҡасабаһында тыуған. Йырсының ысын исем-фамилияһы шулай: Виктор Николаевич Белан.

Тәүҙә ул Дима Билан тигән псевдоним йөрөткән, 2008 йылда рәсмиләштергән. Хәҙер ул документ буйынса ла Дима Билан. Әйткәндәй, Дмитрий – уның яратҡан олатаһының исеме.

Билан Ҡабарҙы-Балҡар (2006 й), Чечен (2007), Ингуш (2007) республикаларының, Рәсәй Федерацияһының (2018) – атҡаҙанған, Ҡабарҙы-Балҡарҙың (2008) халыҡ артисы.

Уның наградалары бик күп. Төрлө йылда Дима Биланды “Иң сексуаль артист”, ”Йыл йырсыһы”, ”Йыл ир-егете”, ”Йыл рәсәйлеһе”, ”Иң һатылған рус артисы” иттеләр. Дима – актер ҙа, йәнһүрәттәрҙәге персонаждарҙы тауышландырыусы ла.

Һәр артист сәйәсәт менән бәйле. Тәүҙә Билан ЛДПР партияһы ағзаһы була, бер юлы “Берҙәм Рәсәй”, ”Ғәҙел Рәсәй” партияларының сараларында ла ҡатнаша.

Фото: vk.com

Бөгөн – Дима Биландың тыуған көнө
Бөгөн – Дима Биландың тыуған көнө
Автор:Алһыу Ишемғолова
Читайте нас в