Юл ҡорбандары һаны арта...

Бөгөн сәғәт дүрт тирәһендә Туймазы районында "Лада Гранта" менән "КамАЗ" бәрелешкән. Йөк машинаһы кюветҡа төшөп китһә лә, 46 йәшлек водителе имен ҡалған. Ә "Лада"ның водителе, Октябрьский ҡалаһынан 40 йәшлек ир, "Тиҙ ярҙам" килгәнгә тиклем йән биргән...

Төш ваҡытында Туймазы районында, Бәләбәй-Николаевка-Туймазы-Баҡалы автоюлының 57-се саҡрымында, "ПАЗ" вахта автобусы менән "Toyota Estima" минивены бәрелешкән. "Toyota"ның водителе үлемесле яраларҙан йән биргән. Автобуста өс пассажир булған, уларҙы табиптар тикшерә. Был авария урынында ла тәфтиш-оператив төркөм эшләй.

Иртән туғыҙынсы яртыла Туймазы районының Николаевка ауылында 61 йәшлек ир "Hyundai Elantra" машинаһында ике йәйәүле ҡатынды тапаған. 63 йәшлек ҡатын һәләк булған, уның 30 йәшлек ҡыҙы ауыр хәлдә дауаханаға оҙатылған.

Көйөргәҙе районында иртән сәғәт һигеҙҙә Стәрлетамаҡтан ир идара иткән "Toyota Rav 4" менән Ырымбурҙан килгән "Hyundai Solaris" машиналары бәрелешкән. Дүрт кеше, шул иҫәптән биш йәшлек бала, дауаханаға оҙатылған.

Юлда һәләк булғандарҙың яҡындарының ауыр ҡайғыһын уртаҡлашабыҙ...

Ҡатмарлы һауа шарттарында юл хәрәкәте ҡағиҙәләрен үтә теүәл үтәгеҙ, водителдәр, ҡыумағыҙ, зинһар!

Фото: БР ЮХХДИ.

Юл ҡорбандары һаны арта...

Автор:Баныу Ҡаһарманова

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

1917-2026 "Йәшлек" гәзите

Баш мөхәррир - Артур Хәсән улы Дәүләтбәков

Об использовании персональных данных

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-68471 от 27 января 2017 г.

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.

Телефон

8(347)273-46-38

Электрон почта

ye02@yandex.ru

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45