Сабыйҙарға шатлыҡ һәм ҡыуаныс!

Салауат драма театры коллективы мөмкинлектәре сикләнгән балалар өсөн бушлай спектакль әҙерләй. Артистар балаларҙы һәм уларҙың ата-әсәләрен «Театр инвалид сабыйҙарға» тип исемләнгән байрамға саҡыра. 

Тәүге бушлай иртәлек 22 декабрҙә уҙасаҡ, унда 37 сабый ҡатнашасаҡ. Әлеге ваҡытта яҡынса исемлек төҙөлә: тамашаға үткән байрамға килә алмаған йә быға тиклем бөтөнләй театрҙа булмаған сабыйҙар саҡырыла. Ғөмүмән, бындай саралар 20-һенән 30 декабргә тиклем дауам итәсәк. 

«Спектаклдәр иртәнге сәғәт унда, төшкө сәғәт ун икелә, икелә, һәм дүрттә күрһәтеләсәк. Льготалы билет артынан кассаға мөрәжәғәт итегеҙ. Телефон һандары: 33–06–51», – тип белдерә театр хеҙмәткәре Альбина Ғәлиуллина.