+24 °С
Дождь
Яңылыҡтар таҫмаһы
13 Декабря 2021, 14:40
Тәүлек эсендә мутлыҡ буйынса алты енәйәт эше асылған
Туймазы районында йәшәгән 63 йәшлек ир махсус ҡушымта аша валюта һатып алырға ниәтләп, Интернетта сайт эҙләп таба, шунда теркәлә. Телефон аша бәйләнешкә ингән билдәһеҙ әҙәм уны, йәнәһе лә, өҫтәмә табыш алыр өсөн, өс миллион һумдан ашыуыраҡ аҡсаны инвестицияға һалырға өгөтләп күндерә. Әммә ир өҫтәмә табыш урынына ҙур матди һәм рухи зыян ғына күрә.
Тәүлек эсендә мутлыҡ буйынса алты енәйәт эше асылған
«Авито» сайты аша автомобиль һатып алырға йыйынған 35 йәшлек ир "һатыусыға", машинаны башҡаларға һатып ебәрмәһен өсөн, алдан 131 мең һум аҡса күсерә. Аҡса күсеү менән "һатыусы" иғланы менән бергә юғала.
Белорет ҡалаһында ла ҡатын «Лада Калина» өсөн алдан 10 мең һум аҡса күсереп отола.
Фото: асыҡ сығанаҡтарҙан.
