Хәйерле көн!

Хәйерле көн һиңә, Ватаным! Хәйерле көн һиңә, баш ҡала! Яңы көнгә изге ниәттәр Аҡ теләктәр менән башлана. Юл-сәфәргә кемдер йыйынамы? Уңһын,тимен, уның сәфәре. Өйҙәгенең күҙе юлда була– Килеп  торһон сәләм- хәбәре. Табын ҡора, ана, әпәкәйҙе Уртаһына ҡуйып өҫтәлдең. Икмәк ҡәҙерен белгән баланың Ризығына ризыҡ өҫтәлһен. Үҙе туҡтың күҙе асты күрһен. Китектәрҙең күрһен күҙ йәшен. Ярты бәхет тапһын яртыһын. Кәметмәйсә бүтән өлөшөн. Хәйерле көн һиңә, Ватаным! Имен йортта йәшәйек килешеп. Яңы көнгә ихлас ҡыуанып, Дуҫ-ҡәрҙәштең хәлен белешеп.                        Асия ЮНЫСОВА.

Хәйерле көн!