+24 °С
Ямғыр
Яңылыҡтар таҫмаһы
12 Декабрь 2021, 09:45
Тәүлек эсендә мутлыҡ буйынса 7 енәйәт эше асылған
Күмертау ҡалаһында йәшәгән 46 йәшлек ҡатынға билдәһеҙ ир шылтыратып, биржа сауҙаларында аҡса эшләргә тәҡдим иткән. Ҡатын ҡыҙығып киткәс, ир уны 700 мең һумдан ашыу кредит алып, электрон иҫәпкә һалырға күндергән. Ҡалғаны билдәле инде, ҡатын аҡсаны күсереү менән ир юғалған. Ир юғалған да бит, кредит өсөн түләүҙәр юғалмаған шул, ҡатындың елкәһендә тороп ҡалған.
Тәүлек эсендә мутлыҡ буйынса 7 енәйәт эше асылған
Өфөлә йәшәгән 53 йәшлек ҡатын да муттың һүҙенә ышанып, күпкә өмөт итеп, әҙҙән мәхрүм ҡалған. Билдәһеҙ ир, ҙур бер предприятиеның акцияларында аҡса эшләргә мөмкин, тип алдап, ҡатындың шәхси мәғлүмәттәрен, банк иҫәбенең реквизиттарын һорап алған. Һөҙөмтәлә ҡатын 54 мең һум аҡсаһынан яҙған.
24 йәшлек егет тә ялған "банк хеҙмәткәренең" тоҙағына ҡабып, аферисҡа ике йөҙ мең һум аҡсаһын күсергән.
Башҡаларҙың хатаһын ҡабатламағыҙ, дуҫтар!
Фото: асыҡ сығанаҡтарҙан.
