Нимәһе иғтибарға лайыҡ: ун йыллыҡ үткәндән һуң, статистика буйынса донъяла физик мөмкинлектәре сикләнгән кешеләрҙең тормошо яҡшыра төшкән (һанаулы илдәрҙәлер инде), халыҡ та улар тураһында күберәк белә башлаған.
Һандар һәм факттар
Бөйөк Ватан һуғышында йәрәхәтләнеп, инвалид булып ҡалған бәғзе бер яугирҙар фронтта ҡалған. Тарихта шундай өс – тома һуҡыр, бер – ике ҡулһыҙ, алты – ике аяҡһыҙ, өс бөтөнләй ҡыбырлай алмаған һалдат тураһында мәғлүмәт бар. Улар шул көйө лә Еңеүгә тос өлөш индергән.
Рәсәй статистикаһына ярашлы, 2015 йылда беҙҙең илдә 12,93 миллион инвалид йәшәгән. Шуларҙың 1,36 миллионы – беренсе, 6,47 миллионы – икенсе, 4,49 миллионы өсөнсө төркөмгә ҡараған. Инвалид балалар һаны 610 мең булған.
2020 йылда иһә дөйөм инвалидтар һаны 11 875 500 кеше иҫәпләнгән, шул иҫәптән 688 меңе – балалар. Һандарҙағы үҙгәреште күрҙегеҙме?
Фото: vk.com