Республикала көрәш бара...

Тиҙҙән рейдтар ойоштороласаҡ.

– Кешенең ғүмерен һәм һаулығын һаҡларға кәрәк. Был айырыуса Яңы йыл каникулдарында мөһим. Контролдә тотоғоҙ, – тине Радий Хәбиров.

Кәңәшмәлә ҡатнашыусы БР сауҙа һәм хеҙмәт күрһәтеү министры Алексей Гусев билдәләүенсә, суррогат араҡы эсеп ағыуланыусылар тураһында йыш ишетеп торабыҙ. Мәҫәлән, Ырымбур өлкәһендә 63 кеше ағыуланып үлгән, Свердловск өлкәһендә – 25. Татарстанда 13 кеше, шуларҙың 11 беҙҙең республиканан, ныҡ ағыуланып, дауаханаға эләккән, берәүһе, ҡыҙ кеше, үлгән.

Быйыл ғына законһыҙ әйләнештән 15 мең литр алкоголь алынған, штраф күләме туғыҙ миллион һум тәшкил итә.