«Өршәк» баҡса ширҡәтендә йәшәүселәр туҡталҡалы булды

Өфөнөң «Өршәк» коммерцияға ҡарамаған баҡса ширҡәтендә 200 тирәһе ғаилә йәшәй. Әммә ошоға тиклем бында транспорт туҡталҡаһы булмаған. Халыҡ оҙаҡ ыҙа сиккән, күп урынға мөрәжәғәт иткән.

Быйылғы йылдың 10 апрелендә, ниһайәт, ялыуҙар Республикаға идара итеү үҙәгенә килеп эләккән. Бынан һуң «Урал буйы» юл идаралығы 2021 йылдың капиталь ремонт планына индергән. Туҡталыш павильонын файҙаланыуға тапшырыу 30 ноябргә ҡаралһа ла, ул ваҡытынан алда эшләнеп бөткән, 22 ноябрҙә үк асылған.

2021 йылдың башынан үҙәккә туҡталҡа мәсьәләһенә бәйле 641 мөрәжәғәт килгән. Күтәрелгән һәр проблема хәл ителгән.

#ЦУРБашкортостан #ЦУРБашкортостан_решаемвместе