+24 °С
Дождь
Яңылыҡтар таҫмаһы
23 Ноября 2021, 13:48
Тәүлек эсендә мутлыҡ буйынса 11 енәйәт эше асылған
Белорет районында һис бер ҡайғы белмәй йәшәп ятҡан ҡатынға кисә кис "брокер компанияһы вәкиле" шылтыратҡан бит. Ул ауыл ҡатынына халыҡ-ара биржала аҡса һуғып, өҫтәмә табыш алырға тәҡдим иткән. Тәүҙә ҡатын татлы һүҙҙәргә, алтын тауҙар вәғәҙәләренә ышанмай ныҡ торған, йәнәһе лә, беләбеҙ, мутлыҡтар хаҡында ишеткәнбеҙ, аҡсаны елгә осорорға иҫәр түгелбеҙ әле... Йылмайып-көлөп һөйләшеп торғансы трубканы һалһасы! Юҡ шул, хәбәр һатыуҙы дауам иткән һәм бер мәл шылтыратыусы ирҙең арбауына бирелеп, миллион һумдан ашыуыраҡ аҡсаһын инвестицион платформаға күсергән дә ҡуйған. "Әкиәт" ошонда тамамланған: татлы телле "брокер" ҙа, аҡсалар ҙа ҡапыл юғалған.
Тәүлек эсендә мутлыҡ буйынса 11 енәйәт эше асылған
Республикала тәүлек эсендә 15 кеше өс миллиондан ашыуыраҡ аҡсаһын муттарға бүләк иткән. Шул иҫәптән, биш кеше инвестиция өлкәһендә аҡса эшләргә маташып отолған, алты кешене ялған "банк хеҙмәткәрҙәре" алдаған, ике граждан интернет аша тауар һатып алғанда һемәйгән, ике кеше төрлө хеҙмәттәр күрһәткәндә алданған. Муттарҙан һаҡ булығыҙ, үҙегеҙҙе алдарға ирек бирмәгеҙ!
Фото: асыҡ сығанаҡтарҙан.
