“АРБА”ның тәүге еңеүҙәре бар

"Мостай Кәрим исемендәге Милли йәштәр театрында күптән түгел генә премьераһы уҙған “Арба” әкиәте ( режиссеры - Зиннур Сөләймәнов) Сыуашстанда үткән “Иҙел буйы әкиәте” (Атăл юмахĕ) төбәк-ара фестивалендә ҡатнашты.

Баһалама ағзалары – "Алтын битлек" милли театр премияһының эксперт советы ағзалары Виктор Шрайман һәм Нияз Игламов, сыуаш драматургы Ольга Тургай, театр белгесе Динә Дәүләтшина ете конкурс спектаклдәре ҡараны. Фестиваль бөгөн, 20 ноябрҙә тамамланды.

Таңсулпан һәм Зөһрә Бураҡаеваларҙың “Арба” әкиәте ике номинацияла еңеү яуланы - "Йәш тамашасы өсөн иң яҡшы спектакль" һәм "Тамашасылар һөйөүе", - тип хәбәр ебәрҙе театрҙың әҙәбиәт бүлеге.

Мостай Кәрим исемендәге Милли йәштәр театрын еңеүҙәре менән ихлас ҡотлайбыҙ, яңы үрҙәр, уңыштар теләйбеҙ!