+22 °С
Ямғыр
Яңылыҡтар таҫмаһы
11 Ноябрь 2021, 13:19
Башҡортостандың премьер-министры Андрей Назаров Бөтә Рәсәй халыҡ иҫәбен алыуҙа ҡатнашты
- Был бик мөһим һәм социаль әһәмиәтле сара, - тине Андрей Назаров. - Ул республикалағы хәлдәрҙең торошон асыҡларға, күпме мәктәп, балалар баҡсаһы, дауахана һәм торлаҡ төҙөргә кәрәклеген билдәләргә ярҙам итәсәк. Мәғлүмәттәргә таянып, Башҡортостандың социаль һәм иҡтисади үҫеше программаһын төҙәтеп, власть органдарының эшен яҡшыраҡ ойоштора аласаҡбыҙ.
Башҡортостандың премьер-министры Андрей Назаров Бөтә Рәсәй халыҡ иҫәбен алыуҙа ҡатнашты
Бөтә Рәсәй халыҡ иҫәбен алыу тиҙҙән тамамланасаҡ. Росстат мәғлүмәттәре буйынса, иҫәп алыуҙа Башҡортостанда дүрт миллиондан ашыу кеше ҡатнашҡан – был илдәге иң яҡшы һөҙөмтәләрҙең береһе. Дөйөмләштерелгән йомғаҡтар быйыл декабрҙең аҙаҡтарында яһаласаҡ. Ҡайһы бер мәғлүмәттәр 2022 йылдың ғинуарында билдәле буласаҡ, ә тулыһынса йомғаҡ 2022 йыл дауамында яһаласаҡ.
Иҫегеҙгә төшөрәбеҙ: 15 октябрҙә башланған Бөтә Рәсәй халыҡ иҫәбен алыу 14 ноябрҙә тамамланасаҡ. Граждандар сарала МФЦ офистарына барып, иҫәп алыусылар ярҙамында өйөндә йәки "Дәүләт хеҙмәттәре" порталы аша яҙылып ҡатнаша ала.
Фото: асыҡ сығанаҡтарҙан.
