"Үҙемдең яҙмам менән мин тағы ла ике башҡортто өҫтәнем"

Башҡортостан Башлығы Радий Хәбиров йәниҫәп алыуҙа ҡатнашҡан. Ул үҙе һәм ғаиләһе, ниндәй телдәрҙе белеүе хаҡында мәғлүмәт ҡалдырған.

Радий Хәбиров әйтеүенсә, Башҡортостанда уның ғаиләһендә биш кеше йәшәй.

• Үҙемдең яҙмам менән мин тағы ла ике башҡортто өҫтәнем. Улдарым әлегә бәләкәй, шуға ла кәләшем менән кәңәшләштек тә, уларҙы башҡорт тип яҙҙырырға ҡарар иттек, – тип яҙа етәксе.

Шулай уҡ ике оло ҡыҙҙарының Мәскәүҙә йәшәүе һәм йәниҫәптә үҙаллы ҡатнашыуын да белдерҙе ул.

Радий Хәбиров дүрт телде яҡшы белеүе хаҡында ла мәғлүмәт ҡалдырған.

• Минең тыуған телдәрем, – башҡорт һәм рус телдәре, төрөк, инглиз телдәрен дә беләм, – тине ул.

Етәксе үҙенең Рәсәй Федерацияһы гражданы ғына булыуын да билдәләне.

Фото: Т. Аманов