"Сәләмәт ауыл" йомғаҡланды

 Конкурс мәлендә урындарҙа халыҡ менән осрашыу, төпкөл урындарҙа мобиль ФАП-тар эшен ойоштороу, социаль селтәр флешмобтары кеүек саралар уҙҙы. 
 
Еңеүселәр исемлеген бирәбеҙ:
«эре ауылдар» (халҡы 3 мең кешенән артҡан):
I урын – Ҡариҙел (Ҡариҙел р-ны);
II урын – Авдон (Өфө) һәм Ҡырғыҙ-Миәкә (Миәкә);
III урын – Йылайыр, Оло Ыҡтамаҡ, Стәрлебаш ауылдары.

«ҙур ауылдар» (халҡы 1 меңдән 3 мең кешегә тиклем):
I урын – Түбәнге Йәркәй (Илеш);
II урын – Ҡарамалы-Ғөбәй (Туймазы) һәм Көҙәй (Иглин);
III урын – Уральск (Учалы), Сурай (Мишкә р-ны) һәм Кинйәбулат (Ишембай);

«урта ауылдар» (халҡы 200-ҙән 1 мең кешегә тиклем):
I урын – Тухбирҙе (Баҡалы);
II урын – Иҫке Аҡбулат (Тәтешле), Сыйрышбаш (Саҡмағош);
III урын – Каменка (Бишбүләк), Ибрай (Ҡыйғы) һәм Үршиҙе (Асҡын);

«бәләкәй ауылдар» (халҡы 200 кешегә тиклем):
I урын – Яңы Усман (Шишмә);
II урын – Подлесное (Бәләбәй) һәм Красный Пахарь (Балаҡатай);
III урын – Ғәзиз (Күгәрсен), Ахун (Благовар) һәм Ҡайраҡлы (Әлшәй).

Беренсе урын алыусыларға 450 мең һум, икенсе урынға - 400 меңешәр һум, өсөнсө урындағы өсәр ауылдың һәр береһенә 350 мең һум биреләсәк. Еңеүселәр был аҡсаны ҡайҙа тотонорға халыҡты йыйып кәңәшләшеп хәл итәсәк. 

Бынан тыш, ойоштороу комитеты вакциналаусыларҙы арттырыуҙа әүҙем эшләгән 25 ауыл медицина хеҙмәткәре һәм 25 староста, йәмәғәт эшмәкәре һайлап алды. Беренселәренә - 15 меңешәр, икенселәренә 10 меңешәр һум аҡса биреләсәк.