+22 °С
Ямғыр
Яңылыҡтар таҫмаһы
24 Октябрь 2021, 16:15
Дуҫтарға ла ышаныс юҡмы ни?!
Ишембай ҡалаһында йәшәгән 32 йәшлек иргә дуҫы килеп, өйөн ремонтларға ярҙам итешкән. Ремонт эшләгәндә эсеп тә алғандар. Эште тамамлағас, йорт хужаһы йоҡларға ятҡан. Шул мәлдә дуҫы уның телефонын алып, мобиль банкы аша 425 мең һум аҡсаһын билдәһеҙ иҫәпкә күсергән.
Дуҫтарға ла ышаныс юҡмы ни?!
Иртән йорт хужаһы уянғас, хушлашмай ҙа сығып киткән дуҫына шылтыратырға була. Телефонды ҡулына алғас, аҡсаһының билдәһеҙ иҫәпкә күсерелеүен күреп, шаҡ ҡатҡан. Ул шунда уҡ полицияға мөрәжәғәт иткән.
Оператив-эҙләү саралары барышында аҡсаның юғалыуында ғәйепле ирҙе - зыян күреүсенең 31 йәшлек дуҫын эҙләп тапҡандар.
Ир үҙ ғәйебен танып, аҡсаларҙы букмекерҙар иҫәбенә күсереүен, өҫтәмә аҡса эшләргә маташҡанын аңлатҡан.
Дуҫын тыпа аҡсаһыҙ ҡалдырған иргә ҡарата енәйәт эше асылған.
Фото: асыҡ сығанаҡтарҙан.
