Үрге Сәлим ауылында яңы ФАП төҙөлә

 Әле свайҙар ҡағылды, 5 октябрҙә модулле конструкцияны монтажлай башлайҙар.  

 Әлеге фельдшер-акушер пункты өс ауылды хеҙмәтләндерә: Үрге Сәлим, Балапан һәм Суртан-үҙәк. Уларҙа бөтәһе 300-ләп кеше йәшәп, шул иҫәптән 55 бала.

 «Үрге Сәлим ауылында яңы ФАП төҙөү ихтыяжы күптән барлыҡҡа килде.  Табип үҙенең пациенттарына мөмкин тиклем яҡыныраҡ булырға тейеш.   Район дауаханаһына тиклем ара  - 60 км, ә Матрай ауылындағы амбулаторияға ҡәҙәр ете километрҙан ашыу”, – тип һөйләй Йылайыр район дауаханаһының баш табибы Илдар Хәмитов.   

Уның әйтеүенсә, яңы фельдшер-акушер пунктын кисектергеһеҙ ярҙам күрһәтеү өсөн бөтә кәрәкле медикаменттар һәм ҡорамалдар менән тәьмин итәсәктәр.  Унда фельдшер Гөлнара Бикбулатова менән участка табибы Флүрә Дмитриевалар эшләйәсәк.   

Фото:асыҡ сығанаҡтарҙан.