+22 °С
Ямғыр
Яңылыҡтар таҫмаһы
23 Сентябрь 2021, 05:15
Элвин Грей: “Туйҙың булмауы ла мөмкин ине...”
Үткән йомала Радик Юлъяҡшин (Элвин Грей) гөрләтеп туй үткәрҙе. Байрамдан һуң йәштәр Төркиәгә ял итергә китте. Йырсының кәләше Инзилә Фәтхетдинова социаль селтәргә туйҙарының иң сағыу мәле менән уртаҡлашҡанда, Радик Юлъяҡшин көйәрмәндәренә көтөлмәгән яңылыҡ әйтте.
Элвин Грей: “Туйҙың булмауы ла мөмкин ине...”
– Туйҙың булмауы ла мөмкин ине... – тигән ул Инстаграмында, оҙаҡ тынлыҡтан һуң: – Беҙҙең ғаилә булмағанда!
Ошондай үҙенсәлекле ысул менән ул үҙенең яҡындарына, әсәһенә һәм Инзиләнең ата-әсәһенә, ауыр минуттарҙа бергә булғандары, туй үткәрергә ярҙам итеүҙәре өсөн рәхмәтен еткерә.
– Беҙҙең атай-әсәйҙәребеҙгә йылы мөнәсәбәттәре, иғтибарҙары һәм беҙҙе ғүмер буйы хәстәрләүҙәре өсөн ҙур рәхмәт! Беҙ һеҙҙе яратабыҙ! – тип яҙа йырсы.
Фото: Т. Аманов
