Салауат районы һайлауҙа рекорд ҡуйған

Быйыл һайлауҙа халыҡ күпләп ҡатнашты, һандар илдәге уртаса күрһәткестәрҙән күпкә юғары. Иң ҙур«явка» Салауат районында теркәлде – бындай һайлаусыларҙың 96,5 проценты килде. Район халҡының 88 проценты – башҡорттар һәм татарҙар. Ошоно иҫәпкә алып, мосолман халҡының әүҙемлеген билдәләргә мөмкин.

БР мосолмандарының Диниә назараты мөфтөйө Айнур Бирғәлин республика мосолмандарына рәхмәт әйтте:

– Беҙҙең иң төп принциптарҙың береһе – изгелеккә юл асыу. Шул иҫәптән илгә һәм йәмғиәткә файҙа килтергән кандидаттарҙы һайлау, уларға ярҙам итеү. Ҡәрҙәштәр, һеҙ сәйәси кампанияла ҡатнашып, үҙ миҫалығыҙҙа гражданлыҡ әүҙемлеге күрһәттегеҙ. Һайлауға халыҡтың күпләп килеүе – яуаплылыҡ билдәһе, – ти Айнур хәҙрәт.

Мөфтөй шулай уҡ мосолмандарҙың пандемия һәм урман янғындары осоронда әүҙемлек күрһәтеүен ыңғай баһаланы.