Испанса картуф тортильяһы

Картуф тортильяһы (көлсә һымаҡ) омлетҡа ла, запеканкаға ла оҡшаш.

Кәрәк аҙыҡ-түлек:

Картуф – 2 дана

Йомортҡа – 6 дана

Ташҡабаҡ – 1 дана

Һарымсаҡ – ике тырнаҡ

Зәйтүн майы – 2 ҡалаҡ

Тимьян, тоҙ, борос – тәменсә

Ташҡабаҡты таҙартып, турап майлы табала ҡыҙҙырырға. Картуфты әрсеп, түңәрәкләп киҫергә, ә һарымсаҡты – ваҡлап иҙгеләргә. Артабан уларҙы бергә ҡушып, биш минут тирәһе ике яҡтан да ҡыҙҙырырға. Шунан ташҡабаҡты ҡушырға. Йомортҡаны һытып, борос-тоҙ һибергә һәм йәшелсәләр өҫтөнә ҡойорға. Тимьян һибергә. Бер 10 минуттан әҙер буласаҡ.

Өҫтәлгә бирер алдынан әҙ генә һыуытырға.