Премьер-министр ҡабаттан вакцина эшләтте

 Ковидҡа ҡаршы прививканы республика Хөкүмәтенең башҡа ағзалары ла ҡабаттан эшләтте.  

– Барыһына ла вакцина эшләтергә тәҡдим итәм, сөнки ул бөтә донъя өсөн ауыр осорҙо проблемаһыҙ үткәреүҙең берҙән-бер ысулы.   Ауырығандарҙың барыһы ла тиерлек ауыр эҙемтәләргә юлыҡты.  Өҫтәүенә,  был сирҙән һуң бик оҙаҡ һәм ауыр реабилитация үтергә тура килә, – тип билдәләне Андрей Назаров, бер йыл элек  яңы коронавирус инфекцияһынан вакцина эшләтеүен һәм уның һөҙөмтәлелеген   һыҙыҡ өҫтөнә алып.  

 – Бер йыл элек ковидтан вакцина барлыҡҡа килеү менән үҙ иркем менән прививка  эшләттем.   Хәҙер бер йыл үтте, табиптар ревакцинациялау үтергә тәдим итә.   Шунлыҡтан үҙемде һәм яҡындарымды хәүефһеҙләндереү өсөн ҡабаттан прививка эшләттем, – тип хәбәр итә Премьер-министр.