Ишембай ҡалаһына мәртәбәле исем юллана

Республика парламенты етәксеһе Константин Толкачев белдереүенсә, "Ишембайҙың нефтселәре, нефть эшкәртеүселәре һәм машина төҙөүселәре Бөйөк Ватан һуғышында илебеҙҙең Еңеү яулауына ҙур өлөш индерҙе, республикала 2022 йылдың майында билдәләнәсәк башҡорт нефтен асыуҙың 90 йыллығы алдынан ҡалала йәшәүселәрҙең хеҙмәт батырлығын таныу өсөн беҙ Ишембайға «Хеҙмәт ҡаһарманлығы ҡалаһы» исемен юллайбыҙ".

Бөйөк Ватан һуғышы йылдарында Ишембайҙа төҙөлөш һәм сәнәғәт предприятиелары, артелдәр, колхоздар һәм совхоздар эшләгән. Улар фронтты һәм тылды сәнәғәт һәм ауыл хужалығы продукцияһы менән тәьмин иткән. Ишембай халҡының хеҙмәт ҡаһарманлығы факттары дәүләт архивтарында документаль раҫлау таба.

Башҡортостан Республикаһы Башлығы Радий Хәбировтың ҡултамғаһы менән юллама ебәреү тураһындағы ҡарар Ҡоролтайҙың 23 сентябрҙәге пленар ултырышында ҡабул ителәсәк.

Фото: vk.com