Нисек тиҙ тынысланырға?

Белгестәр яуаплауынса, тиҙерәк тынысланыу өсөн ҡорһаҡ, йәғни эс менән тын алырға кәрәк.

Еңел генә: тәрән итеп тын алырға. Күкрәк менән түгел, ә эс менән. Күкрәк ситлеге киңәймәһен, ҡулығыҙҙы эсегеҙгә һалып контролләгеҙ.

Һулышты өс-дүрт секундҡа “тотоп” тороғоҙ һәм яйлап ҡына сығарығыҙ. Тағы бер өс-биш секунд көтөгөҙ. Һәм тағы тын алып, һулағыҙ.

10 – 15 тапҡыр ҡабатлаһағыҙ, тынысланғанығыҙҙы һиҙмәй ҙә ҡалырһығыҙ.

Фото: vk.com