+22 °С
Ямғыр
Яңылыҡтар таҫмаһы
8 Сентябрь 2021, 10:05
Каринэ Хәбирова башҡорт милли аш-һыу серҙәрен өйрәнә
Башҡортостан Башлығының хәләл ефете был хаҡта Инстаграмдағы сәхифәһендә хәбәр иткән. Каринэ Хәбирова әйтеүенсә, сентябрь – яңы белем үҙләштерә башлау өсөн иң уңайлы осор. Шуға ла ул Өфө районының Шамонин ауылында йәшәүсе Лилиә Мәхмүтоваға башҡорт аш-һыуын әҙерләү өсөн оҫталыҡ-дәрестәренә бара.
- Мин әбәйлилдәрсә һалма, күгәрсендәр кеүек туҡмас ҡырҡырға өйрәндем, – ти Каринэ Владимир ҡыҙы.
Әйткәндәй, бер йыл элек Радий Хәбировтың кәләше башҡорт ризыҡтары оҡшауын һәм иренең әсәһе бешергән рецептар буйынса ҙур бәлеш, ҡыҫтыбый, өсмөйөш, гөбәҙиә һәм башҡа-ашһыу бешерә белеүен әйткәйне.
Шамонин ауылында йәшәүсе Лилиә һәм Илнур Мәхмүтовтарҙың ғаиләһе осраҡлы ғына һайлап алынмаған. Улар “Өлгөлө башҡорт ғаиләһе” конкурсында еңеүсе булараҡ билдәле. Татыу ғаиләлә өс бала тәрбиәләнә. Ғаилә башлығы иһә БР Үҙәк һайлау аппараты хеҙмәткәре.
Фото: Т. Аманов
