Сентябрь айы нисек булыр?

Башҡортостандың гидрометүҙәге белгестәре күҙаллауынса, быйылғы сентябрь үткән йылдарҙағынан әллә ни айырылмаясаҡ. Һауа температураһының күп йыллыҡ уртаса күрһәткестәр кеүек булыуы фаразлана.

Өфөлә сама менән шулай: көндөҙ +17, төндә +6 градус.

Был ай ямғырҙары менән дә аптыратмаҫ. Рекорд ҡуйылмаҫ йәғни.

Рәсәйҙең баш синоптигы Роман Вильфанд белдереүенсә, һалҡынса көн торошо “әбейҙәр сыуағы” алдынан була. Быйыл уны ай урталарында көтәләр.

Фото: Юлай Кәримов.