Ирекле көрәштән ике алтын!

Бөгөн ирекле көрәш буйынса ярыштың икенсе көнө. Беҙҙең илдән ике спортсы финалға сыҡҡайны. 57 килограмм ауырлыҡ категорияһында сығыш яһаған Рамаҙан Баһаутдинов һуңғы минуттарҙа еңеүгә өлгәшеп, барлыҡ «Өфө-аренаны» шаулатты. Түбәндәге видеояҙмала яҡташыбыҙҙың еңеүе менән ҡыҫҡаса таныша алаһығыҙ.

Шулай уҡ 70 килограмм ауырлыҡ категорияһында Шамил Мамедов Әзербайжандан Европа беренселеге еңеүсеһен ҙур өҫтөнлөк менән еңде. Ә яҡут көрәшсеһе Станислав Свинобоев «бронза» яулап ҡыуандырҙы. Үкенескә ҡаршы, ҡалған көрәшселәребеҙ миҙал өсөн көрәшеүҙән тороп ҡалды.