Уҡытыусылар етмәй!

БР мәғариф һәм фән министры Айбулат Хажин һүҙҙәренсә, инглиз теле, рус теле һәм әҙәбиәте, математика, физика, башланғыс кластар уҡытыусылары етмәй. Ул быға тиклем дә, 1500 педагогҡа ихтыяж бар, тигәйне.

Мәҫәлән, Бүздәк районына 18 уҡытыусы кәрәк. Благоварға – 17, Федоровкаға – 11, Йәрмәкәйгә – 10.

Министр былай тине: “1,5 ставкаға эшләүсе уҡытыусынан белем биреү процесында һөҙөмтәлелек көтөүе ауыр. Ғилми институттар белгестәре раҫлауынса, нагрузка 1,3 ставканан да юғары булмағанда ғына һөҙөмтәле эшләргә мөмкин”.

Тимәк, уҡытыусылар дефицитын кисекмәҫтән хәл итергә кәрәк.