Владимир ҡалаһында милли сәнғәт фестивале үтте

Төбәктең башҡорт йәмәғәт ойошмаһы рәйесе Лиана Әхмәтшина башланғысы менән майҙанда милли кәсеп күргәҙмәһе ойошторолдо. Владимир башҡорттарының үҙенсәлегенә әйләнгән биҙәүес - семәрле күн беләҙектәр әҙерләү буйынса оҫталыҡ дәрестәре лә үтте. Фестивалдең тамашасылары төп сәхнәлә башҡорт бейеүен дә күҙәтеп, милләтебеҙҙең сәнғәт өлгөләре менән таныша алды.