+21 °С
Болотло
Яңылыҡтар таҫмаһы
13 Июль 2021, 08:40
Республика менән идара итеү үҙәге: Аҙна йомғаҡтары
Һуңғы аҙнала коронавирустан прививка темаһына мөрәжәғәттәр һаны ике меңгә кәмегән: 5-11 июлдә «Инцидент-менеджмент» һәм кире бәйләнеш платформаһында вакцинация темаһына 2578 хәбәр һәм комментарий теркәлгән (алдағы аҙнала 4573 мөрәжәғәт булған).
Республика менән идара итеү үҙәге: Аҙна йомғаҡтары
Республика менән идара итеү үҙәге: Аҙна йомғаҡтары
Мөрәжәғәттәр һаны буйынса вакцинация беренсе урында булһа, икенсе урында - социаль яҡлау темаһы (321 мөрәжәғәт, +79). Шулай уҡ юлдар ҙа көн үҙәгендә (256, +87). Төҙөкләндереү мәсьәләләре лә халыҡты борсой (195, +43). Торлаҡ-коммуналь хужалығына ҡағылышлы мөрәжәғәттәр иһә бишенсе урында (192, +107).
5-11 июлдә Республика менән идара итеү үҙәге 4027 мөрәжәғәтте эшкәрткән: 1584 мөрәжәғәт «Инцидент-менеджмент» аша килһә, 2443 – кире бәйләнеш платформаһы аша. Сағыштырыу өсөн: бер аҙна элек 5491 мөрәжәғәт эшкәртелһә, бер йыл элек ошо уҡ осорҙа - 1064 мөрәжәғәт.
Фото: асыҡ сығанаҡтарҙан.
