+22 °С
Ямғыр
Яңылыҡтар таҫмаһы
8 Июль 2021, 06:00
Бөгөн ҡайһы район-ҡала фольклориада ҡунаҡтарын ҡабул итер?
Халыҡ-ара фольклор байрамы тағы ла өс көн дауам итәсәк. Алда 12 муниципалитетта тамаша көтөлә, 10 июлдә иһә Өфө амфитеатрында сараны ябыу тантанаһы уҙасаҡ. Бөгөн сит илдән килеүселәрҙе Сибай ҡаршы аласаҡ. Төшкө сәғәт 2-лә Венгрия, Ҡырғыҙстан, Черногория, Коста-Рика, АҠШ, Швейцария, Албания сығыш яһаясаҡ.
Сәғәт 3-тә Ауырғазыла - Боливия, Греция, Панама, Ҡаҙағстан, Испания, Ҡырмыҫҡалыла - Словакия, Болгария, Колумбия, Австрия, Рәсәй, Нефтекамала - Әзербайджан, Хорватия, Һиндостан, Эстония, Парагвай, Бенин коллективтары тамаша ҡуясаҡ.
Сәғәт 4-тә асҡындар Палестина, Франция, Белоруссия, Төньяҡ Македония, Перу, Эквадор, Румынияны ҡабул итәсәк.
Район-ҡалаларҙың ижади коллективтары ла йырлы-моңло күстәнәсен өләшәсәк.
Киске сәғәт 6-ла иһә Өфөнөң "Торатау" Конгресс-холы түбәнендәге майҙансыҡта Индонезия, Польша, Мексика сығыш яһаясаҡ. Унда Ulytau ҡаҙаҡ этно-рок төркөмө лә буласаҡ.
Бер юлы БР Милли музейына барырға онотмағыҙ. Унда донъя халыҡтарының битлектәре һәм музыка ҡоралдары күргәҙмәһе асылған. Ул бушлай, битлек кейергә онотмағыҙ.
Бер юлы БР Милли музейына барырға онотмағыҙ. Унда донъя халыҡтарының битлектәре һәм музыка ҡоралдары күргәҙмәһе асылған. Ул бушлай, битлек кейергә онотмағыҙ.
