+22 °С
Ямғыр
Яңылыҡтар таҫмаһы
6 Июль 2021, 16:33
БР ЮХХДИ: Аҙна йомғаҡтары
28 июндән алып 4 июлгә тиклем республика юлдарында 83 автоавария теркәлгән, 22 кешенең ғүмере өҙөлгән (ҡара-ҡаршы килгән машиналарҙың бәрелешеүенән 14 кеше үлгән, дүрт кеше тапалған, өс кеше автомобиль ауҙарылғанда йән биргән, бер водитель мышыға бәрелгән), 105 кеше яраланған.
273 иҫерек водитель тотолған (йыл башынан алып 6816 кеше эскән килеш машина йөрөткәндә тотолған).
Республикала былтырғы ошо осор менән сағыштырғанда үлемесле юл-транспорт ваҡиғалары һаны артҡан: ғинуарҙан алып юлдарҙа 192 кеше һәләк булған (былтыр - 175 кеше).
Шул уҡ ваҡытта дөйөм юл-транспорт ваҡиғалары һаны кәмегән - йыл башынан алып 1635 осраҡ теркәлгән (былтыр 1683). Яраланыусылар һаны ла кәмегән (былтыр 2119 кеше яраланһа, быйыл 2034 кеше).
Фото: 02.mchs.gov.ru
