+22 °С
Ямғыр
Яңылыҡтар таҫмаһы
30 Июнь 2021, 11:05
Путинға бирелгән һорауға Айбулат Хажин да яуап бирҙе
Билдәле булыуынса, бөгөн РФ Президенты Владимир Путин тура бәйләнеш үткәргәндә бер уҡыусы быйыл уҡыу йылы нисек башланасаҡ һәм ул ниндәй формала үтәсәк тип һораны. Был һорау буйынса БР мәғариф һәм фән министры Айбулат Хажин да аныҡлыҡ индерҙе.
"Мин шуны әйтәм - беҙ Башҡортостанда уҡытыу процесын ойоштороуҙы һәм үткәреүҙе ғәҙәттәгесә итергә тип көйләнгәнбеҙ. Уҙған уҡыу йылы пандемия мәлендә барлыҡҡа килгән ҡатмарлыҡтарға ҡарамайынса беҙ белем биреүҙе санитар-эпидемилогик нормалар һәм ҡағиҙәләргә ярашлы итә алғанды күрһәтте.
Беҙ балалар мәктәп парталары артына ултырасаҡ тип ышанабыҙ. Шуны әйтеп үтәм, әле йәй миҙгелендә колледж-техникумдарҙа һәм юғары уҡыу йорттарында ҡабул итеү комиссиялары эшләй башланы. Йәштәр араһында ауырыу таратмаҫ өсөн документтарҙы онлайнда, электрон сервистар аша ебәрергә тәҡдим ителде. Бының барыһы ла көйләнгән һәм республикала тормошҡа ашырыла.
