Йорттоң стеналарын бүлгәндә йоҡо бүлмәһен төньяҡҡа ҡаратып эшләгеҙ. Карауат ҡаршыһына көҙгө ҡуймағыҙ. Көҙгөләге сағылыш артыҡ кеше булыуын да күҙаллаған кеүек. Карауаттан ишек төбө яҡшы күренеп торорға тейеш. Тик аяғығыҙ менән ишек яғына ятмағыҙ. Борон- борондан халҡыбыҙҙа өрлөк тапҡырында йоҡларға рөхсәт ителмәгән: йоҡо тынғыһыҙ була, һаташтыра. Йоҡо бүлмәһенә ажарланған йәнлек, киҫкен хәрәкәтте сағылдырған, көслө аҡҡан һыу һүрәттәре элергә кәңәш ителмәй. Был бүлмәлә күпләп гөлдәр ҙә үҫтермәгеҙ. Үҙегеҙ йоҡлаған карауатта башҡаларҙы йоҡлатмағыҙ. 
