Ауырыу тағы көсәйә башлаған

13 майға Башҡортостанда тағы ла 93 кешенең ковид менән ауырыуы теркәлгән. Дауаханан тыш пневмония менән ауырыусылар һаны тәүлек эсендә 102 кешегә артҡан. Әлеге ваҡытта 179 пациент дауаханала медицина ярҙамы ала, 28-е - ауыр хәлдә, 3 кеше үпкәне яһалма тын алдырыу аппаратына тоташтырылған. 1310 кеше амбулатор дауаланыу курсы үтә. Тәүлек эсендә ике үлем осрағы теркәлгән. Һуңғы көндәрҙә Рәсәйҙә коронавирус инфекцияһы менән зарарланыусылар һаны ҡырҡа арта. Нигеҙҙә Мәскәү һәм Санкт-Петербург иҫәбенә. Мәскәү мэры үҙенең указы менән ял көндәрен 15 июндән 20 июнгә тиклем эш хаҡы һаҡланыу шарты менән оҙайтҡан. Мәскәү дауаханаларында меңләгән урындар ковид-госпиталь итеп үҙгәртеләсәк. Эш биреүселәргә 13 июндән эшселәрҙең бер өлөшөн ситтән тороп эшләүгә күсереү тәҡдим ителгән.