+22 °С
Ямғыр
Яңылыҡтар таҫмаһы
10 Июнь 2021, 09:35
“Һеңлекәш” фильмы тағы бер конкурстың финалына сыҡты
Режиссер Александр Галибин Мостай Кәримдең “Беҙҙең өйҙөң йәме” әҫәре буйынса төшөргән кинотаҫма лайыҡ булған гран-приҙар, төрлө юғары приздар исемлеге лә оҙон ғына.
“ТЭФИ-Летопись Победы 2021” конкурсының ”Телевизион нәфис фильм” номинацияһында финалға сыҡты.
Шулай уҡ “Телевизион фильм/сериал операторы” номинацияһында финалда РСФСH-ҙың атҡаҙанған сәнғәт эшмәкәре Михаил Агранович та бар. Ул быға тиклем дә иң яҡшы оператор эше буйынса “Белый квадрат” премияһын алғайны.
Әлеге финалға 10 номинацияла 30 эш һайлап алынған. Еңеүселәр 21 июндә “Et Cetera” Мәскәү театрында үтәсәк тантанала билдәләнә.
Фильмдың баһалары:
“Евразийский мост” халыҡ-ара IV Ялта кинофестивалендә – гран-при
”Орленок” балалар үҙәгендәге XXIII Бөтә Рәсәй визуаль сәнғәт фестивалендә – тамашасылар һөйөүе призы
”Лучезарный ангел” XVI Халыҡ-ара хәйриә кинофестивалендә – гран-при һәм тамашасы һөйөүе призы
”Волоколамский рубеж” XVI Халыҡ-ара хәрби-патриотик фильмдар фестивалендә – тамашасылар һөйөүе призы
”Ноль Плюс” VI Халыҡ-ара балалар һәм ғаилә киноһы фестивалендә – иң яҡшы тулы метражлы фильм
Алексей Баталов исемендәге ”Журавли” кинофестивалендә – иң яҡшы балалар фильмы
”Встреча” XV Халыҡ-ара православие Сретень кинофестивалендә – гран-при
Германиялағы “Шлингель” XXV Халыҡ-ара балалар һәм үҫмерҙәр кинофестивалендә – ECFA баһалама ағзалары призы
“Киношок” фестиваленең балалар конкурс программаһында – иң яҡшы балалар фильмы.
Фото: vk.com
