+22 °С
Дождь
Яңылыҡтар таҫмаһы
5 Июня 2021, 09:11
Юл фажиғәләре - 4 июнь
Кисә республика юлдарында ун автомобиль аварияһы теркәлгән, ун кеше яраланған.
Киске сәғәт һигеҙенселә Ауырғазы районында Стәрлетамаҡтан 53 йәшлек ир "Лада Калина" машинаһында юлдан осоп төшөп түңкәрелгән.
Водителдең иҫерек булғаны билдәле (алкотестер 0,878 мг/л күрһәткән).
Тәүлек эсендә 2600-ҙән ашыуыраҡ юл хәрәкәте ҡағиҙәләрен боҙоу теркәлгән, 55 иҫерек водитель тотолған.
3 июндә иһә республика юлдарында ун автомобиль аварияһында туғыҙ кеше йәрәхәтләнгән.
Көндөҙ Стәрлетамаҡ районында 32 йәшлек ҡатын "Ford Fusion" машинаһында юлдан осҡан. Ҡатын ауыр йәрәхәтләнгән.
Төн уртаһында Нефтекама ҡалаһының Комсомол проспектында 23 йәшлек водитель BMW машинаһында йәйәүлене төрттөргән. Ир ауыр яраланып, дауаханаға эләккән.
Тәүлек эсендә 2300-ҙән ашыуыраҡ юл хәрәкәте ҡағиҙәләрен боҙоу теркәлгән, 31 иҫерек водитель тотолған, урланған автомобиль эҙләп табылған.
Фото: Д.Ғилметдинов.
