+22 °С
Ямғыр
Яңылыҡтар таҫмаһы
4 Июнь 2021, 04:35
Борайҙа – яңы арт-объект
Күк бүре һыны Борай ауылының үҙәк майҙанында Геройҙар аллеяһына ҡуйылды. Майҙанды комплекслы төҙөкләндереү “Уңайлы ҡала мөхите булдырыу” федераль проектына ярашлы башҡарыла.
Әйткәндәй, күк бүре – Борайҙың символы. Дизайн-макет авторы – башҡорт скульпторы Илдус Закиров. Мәғлүм булыуынса, ул район гербында һәм флагында ла һынландырылған. “Скульптура бик матур һәм үҙенсәлекле килеп сыҡҡан. Яңы арт-объект район халҡының һәм ҡунаҡтарының яратҡан фотоға төшөү урынына әүерелер, тип ышанам”, – тип белдерҙе Борай районы хакимиәтенең мәҙәниәт һәм йәштәр сәйәсәте идаралығы начальнигы Илгиз Харисов.
Геройҙар аллеяһының үҙәк майҙанын төҙөкләндереүҙе 1 июлгә тамамларға ниәтләйҙәр.
Фото: Т. Аманов
