+24 °С
Ямғыр
Яңылыҡтар таҫмаһы
25 Май 2021, 14:29
Тәүлек эсендә мутлыҡ буйынса 13 енәйәт эше асылған
Дуҫтар, туғандарығыҙҙы, таныштарығыҙҙы муттар тураһында иҫкәрттегеҙме? Бер ниндәй ҙә банк йәки полиция хеҙмәткәре карта буйынса мәғлүмәттәр һорап, йәки мутлыҡтар тураһында хәбәр итер өсөн шылтыратмаясаҡ, тип әйттегеҙме? Билдәһеҙ бәндәләргә, шикле иҫәптәргә аҡса күсерергә ярамағанын аңлаттығыҙмы? Һаҡланғанды Хоҙай ҙа һаҡлағанын төшөндөрҙөгөҙмө? Улай булғас, нишләп һаманғаса бик күптәр муттарҙың тоҙағына ҡаба һуң?
Мәҫәлән, Өфөлә йәшәүсе егет иғландар сайты аша бер ҡатындан осһоҙлата авиабилеттар һатып алырға йыйынған. Ул ҡатын аҡсаны алдан күсерергә ҡушҡан. Тыңлаусан егет уға 12 мең һумды күсергән... Үҙегеҙ ҙә аңлап тораһығыҙҙыр: аҡсаһын елгә осорған, самолет был егетһеҙ осҡан.
Балтас районынан ҡатынды ялған "банк хеҙмәткәре" төпһөҙ кәмәгә ултыртҡан. 83 мең һумлыҡ "кәмәгә". Тап шунса суммаға муттар уны алдаған.
Нефтекама ҡалаһынан ир уны уҙҙырған: ялған "банк хеҙмәткәре"нең, һеҙҙең исемгә муттар кредит алырға йөрөйҙәр, тигән алдағына ышанып, үҙ ҡулдары менән мут бәндә ебәргән ҡушымтаны телефонына ҡуйып, өс банктағы иҫәптәренән 340 мең һум аҡсаһын урларға ирек биргән. Бигерәк йомарт бүләк эшләгән, ризаһығыҙмы?!.
Фото: асыҡ сығанаҡтарҙан.
