+22 °С
Ямғыр
Яңылыҡтар таҫмаһы
24 Май 2021, 06:10
Вакцинаһыҙ сирҙе еңә алмаясаҡбыҙ
Коронавирусты ауыҙлыҡлауҙың бер генә юлы бар, ул – вакцинация. Әле прививка яһатырға теләмәһәк тә, барыбер һәр беребеҙгә эшләтергә тура киләсәк.
Коронавирус сигенергә уйламай. Йыл башынан 37 574 кешегә был мәкерле диагноз ҡуйылған. Дауаханала 1155 кеше ошо йоғошло сирҙән дауалана. 8 кеше интенсив терапия бүлегендә ята.
Коронавирусты ауыҙлыҡлауҙың бер генә юлы бар, ул – вакцинация. Был хаҡта БР Хөкүмәтендә үткән кәңәшмәлә БР Башлығы Радий Хәбиров белдерҙе. «Беҙҙең төп бурыс – вакцинацияны әүҙемләштереү», – тине ул. Бөгөнгө көндә республикала 254 мең кеше коронавирустан прививканың ике компонентын да тулыһынса яһатҡан. БР Хөкүмәте вице-премьеры, РБ һаулыҡ һаҡлау министры Максим Забелиндың һүҙҙәренсә, әле республикаға 386 374 вакцина килтерелгән, июндә тағы ла 200 меңләп килтереләсәк.
Фото:turkmenportal.com
