+22 °С
Ямғыр
Яңылыҡтар таҫмаһы
24 Май 2021, 10:12
Иғтибар! Балалар фотоконкурсы: “Береһенән-береһе бәләкәй”!
Халыҡ - ара балаларҙы һаҡлау көнөнә ҡарата “Йәшлек” гәзите үҙенең сираттағы фотоконкурсын иғлан итә. Исеменән үк аңлап тораһығыҙҙыр, ярыш күмәк бала — иң кәмендә өсәү төшкән фотолар араһында барасаҡ. Ҡыҫҡаһы, бер туғандар, ҡәүемдәштәр йәки ырыуҙаштармы, һүрәттә яңы тыуған сабыйҙан алып 17 йәшлек үҫмергә тиклем булыуы мөмкин.
Конкурстың маҡсаты — Бөтә донъя башҡорттары ҡоролтайы тарафынан иғлан ителгән Башҡорт тарихы йылында йәш быуынды таныштырыу, берләштереү һәм нәҫел - нәсәпте барлау.
Коллектив фотолар ни тиклем үҙенсәлекле булһа, шул тиклем яҡшыраҡ. Йәғни ниндәйҙер креатив идея менән төшөрөлгән булһын: бер иш кейемдә, теҙелешеп ҡояшта ҡыҙынған, файҙалы эш башҡарған мәлдә йәки ғәҙәти булмаған сағыу фон һ.б.
Конкурста ҡатнашыу өсөн "Бәйләнештә" селтәрендәге “Йәшлек” гәзите һәм Бөтә донъя башҡорттары ҡоролтайы төркөмдәренә ҡушығылыҙ. Һылтанмалары: https://vk.com/kurultaibashkir һәм https://vk.com/yeshlek_gazite. "Йәшлек" төркөмөндә үрҙә нығытылған яҙма аҫтына фотоһүрәттәр һәм тасуирлама һүҙ яҙығыҙ, яҙманы дуҫтарға һөйләгеҙ - репост яһағыҙ.
Киләһе дүшәмбегә, йәғни 31 майға, сәғәт 12-гә тиклем фотоларҙы туплайбыҙ. Аҙаҡтан тауыш биреү өлөшө иғлан ителәсәк.
Хөрмәтле ата-әсәләр! Фантазияғыҙҙы эшкә егергә һәм беҙгә фотолар ебәрергә генә ҡалды!
Еңеүсе фотолар авторҙарын Маҡар урман хужалығы етештергән продукциянан шәп бүләктәр көтә. Иң шәп ҡатнашыусыларыбыҙ хаҡында киләһе һандарҙа мәҡәлә лә баҫыласаҡ.
