+21 °С
Болотло
Яңылыҡтар таҫмаһы
21 Май 2021, 06:45
Тыйыла! Барыһы ла айыҡ буласаҡ!?
Республикала “Һуңғы ҡыңғырау” сараһы үткәреү сәбәпле, ул көндө алкоголь һатыу тыйыла. Аптыраҡ кеүек, шулаймы? Мәктәп байрамы менән эске араһында бәйләнеш булырға ла тейеш түгел, әммә...
Законды юҡҡа ғына сығармағандарҙыр инде. Күргән бар: йәш кенә егет һәм ҡыҙҙар (бантиклы һәм алъяпҡыслы бит әле ул) байрамдан һуң "кәйеф күтәрә".
“Башҡортостан Республикаһында этил спирты, алкоголь һәм спиртлы продукция етештереү һәм уның әйләнешен көйләү тураһында” 414-3 БР законының (1.03.2007) 6.2-се статьяһын ғәмәлгә ашырыуға ярашлы, “Һуңғы ҡыңғырау” байрамдарын үткәргән көндә алкоголь продукцияһын һатыу тыйыла.
Ғәҙәти көндәрҙә иҫерткестәр һатыусы ойошмаларҙы әлеге законды үтәргә саҡыралар.
Фото: Өфө ҡалаһы хакимиәте сайтынан.
