+24 °С
Дождь
Яңылыҡтар таҫмаһы
18 Мая 2021, 09:30
Өфөлә милли проект буйынса Алексеевка юлы ремонтлана
Подрядсы ойошма юл үткәргестән М.Исҡужин урамына тиклем арала эш башлаған. Бында 3,46 саҡрым юл тәртипкә килтереләсәк.
Был урын баш ҡала менән Өфө районын бәйләүсе төп йүнәлештәрҙең береһе, шуға ла транспорт күп йөрөй. Быларҙың барыһы ла юл полотноһына капиталь ремонт уҙғарыуҙы талап итә.
Әле юлсылар иҫке асфальт ҡатламын фрезалай, был эш киләһе аҙна аҙағынаса дауам итәсәк. Бөгөнгә 5 см ҡалынлыҡтан ике мең тоннаға яҡын асфальтогранулят "сиселгән". Артабан Алексеевка шоссеһы сите 12 сантиметр бейеклегендә нығытыласаҡ, йәмәғәт транспорты "кеҫәләре" һәм туҡталыштары ҡороласаҡ, өҫкө һәм аҫҡы ҡатламда асфальт түшәләсәк, термопластиктан юл разметкаһы һалынасаҡ. Контракт буйынса 15 сентябргә тиклем эште тамамлау ҡаралған, подрядсы иһә ҡулайлы һауа шарттары торһа 20 июндә йүнәлеште файҙаланыуға тапшырырға ниәтләй.
Алексеевка юлында хәрәкәт сикләүе индерелгән. Был йүнәлештән барыусыларға юғтибарлы булырға, урау юлдар һайларға йәки иртәрәк сығырға кәңәш ителә.
