+21 °С
Болотло
Яңылыҡтар таҫмаһы
9 Май 2021, 09:50
Талпандан һаҡланығыҙ!
Был яман бөжәктәр быйыл бигерәк әүҙем. Күп кеше талпандан тешләнеп, белгестәрҙән ярҙам һораған да инде.
Былтыр ошо айҙа талпан йәбешеүгә бәйле мөрәжәғәттәр һаны 477 булған. Быйыл иһә 833 кеше (шул иҫәптән 351 бала) табиптарға килгән. Ә килмәгәндәре күпме?
Талпан ҡәҙимге генә булһа ярай ҙа, энцефалит бигерәк ҡурҡыныс. Былтыр 14 кеше зарарланған. Унан алда, йәғни 2019 йылда - 15.
Әле биләмәләрҙе эшкәртеү бара. Өфөлә 580,7 гектар ер эшкәртелгән, дөйөм майҙан - 930,9 гектар. Йыл һайын республикала 4000 самаһы гектар ер талпандан таҙартыла.
Барыбер тәбиғәткә сыҡмайынса булмай. Зинһар, ҡырҙа тейешенсә кейенеп йөрөгөҙ, өйгә ҡайтҡас, тәнегеҙҙе тикшерегеҙ. Бәлә-ҡазаһыҙ үтһен миҙгел.
Фото: Т. Аманов.
