+22 °С
Ямғыр
Яңылыҡтар таҫмаһы
5 Май 2021, 14:30
Маҡар питомнигында урман культуралары орлоҡтары сәсеү дауам итә
"Экология" милли проектының "Урмандарҙы һаҡлау" төбәк өлөшө буйынса Башҡортостанда урман тергеҙеү эше өсөн ағас-ҡыуаҡ орлоҡтары йыйыуҙың һәм үҫентеләрҙең күләмен арттырыу ҡаралған. Сифатлы ултыртыу материалдарын ҡулланыу урман культураларын ерегеп китеүгә һәм уларҙың продуктлы булыуына килтерә. Был юҫыҡта питомниктарҙың роле ҙур.
Әлеге ваҡытта Маҡар урман хужалығының питомнигы 22 гектарҙан ашыу майҙанды биләй. Унда үрсетелгән ағас-ҡыуаҡтарҙың иҫәбе-һаны юҡ, йылдан-йыл төрҙәре арта. Учреждениеның директоры Сәлим Хфизов белдереүенсә, май айы башынан бында 0,1 га майҙанда ҡарағас, 0,3 гектарҙа ҡарағай сәселгән. Быйыл яҙғыһын бында теплицаларҙа 60 кг ҡарағай, 30 кг ҡарағас, 5,5 кг Ҡырым ҡарағайы, 5 кг зәңгәр шыршы орлоғо сәселәсәк. Питомникта үрсегән үҫентеләрҙең бер өлөшө урман тергеҙеүгә, икенсеһе ауыл-ҡалаларҙы йәшелләндереүгә китәсәк. 1 майҙа беҙҙең урмансылар Байғужа ауыл биләмәһендә йәшәүселәр менән Кинйәбулат ауылы янындағы шишмә янына эре үлсәмле 100-ҙән артыҡ ҡайын ултыртты.
