+21 °С
Болотло
Яңылыҡтар таҫмаһы
30 Апрель 2021, 04:15
Был юл оҙаҡ шыма булып ятыр...
Беҙ юл һалыуҙың төрлө ысулын күргәнебеҙ бар. Йыш ҡына эшселәр ямғырҙа йә ҡарҙа асфальт йәйгәне өсөн әрләнә. Яңынан-яңы ысулдар уйлап табылып ҡына тора. Иң мөһиме - беҙ йөрөйһө юлдар тигеҙ, соҡор-саҡырһыҙ, шыма һәм таҡыр ятһын. Түбәндә - милли проект буйынса яңы технология менән барған эштәр тураһында.
Өфөлә "Хәүефһеҙ сифатлы юлдар" милли проектына ярашлы, байтаҡ урында юл һалына. Мәҫәлән, Парк урамында капиталь ремонт бара.
Унда юл һалыуҙа һалҡын ресайклинг технологияһы ҡулланыла. Был алым булған асфальт-бетон юл япмаһы менән уның аҫтында ятҡан ҡатламды ҡатыштырыусы материалдар ҡушып, бутау һәм ваҡлауҙан ғибәрәт. Йәғни юлдағы грунтты ресайклер менән эшкәртәләр, шунан был массаны иҙеп, нығытып, йәйеп, яңы бетон япмаһы барлыҡҡа килтерәләр һәм өҫтөнә ике ҡат асфальт-бетон йәйәләр.
Баш ҡалалағы Парк урамы яңыртылған көйө йыл аҙағына тапшырылырға тейеш.
Фото: "ИНФОРМАВТОДОР".
