+22 °С
Ямғыр
Яңылыҡтар таҫмаһы
19 Апрель 2021, 06:33
Сканер ярҙамында машиналарҙы асып йөрөгән егеттәрҙе тотҡандар
37 йәшлек эшҡыуар Иван Яҡутов исемендәге парк янында «Ситроен» машинаһын ҡалдырып, магазинға инеп китә. Күп тә үтмәй уның машинаһын "сканировщиктар" асып, 20 мең һум аҡсаһын урлайҙар.
Ләкин енәйәт ҡылыусылар алыҫ ҡасып өлгөрмәй, уларҙы полиция хеҙмәткәрҙәре тота.
Салауат ҡалаһы ир-егеттәренең башҡа ошоға оҡшаш енәйәттәргә ҡағылышын тикшереү башланған.
Машина эсендә бер ваҡытта ла аҡса, ҡиммәтле әйберҙәр ҡалдырмағыҙ!
Автоны пульт аша бикләй алмаһағыҙ йәки асҡыс эстә ҡалғанда кинәт ишектәре бикләнһә - яҡында ғына автосигнализация кодын сканерлаған әҙәмдәрҙең булыуы ихтимал. Бындай ваҡытта машинаны ҡарауһыҙ ҡалдыра күрмәгеҙ, запас асҡыстарҙы яҡындарығыҙ килтерһен.
Фото: БР буйынса ЭЭМ матбуғат сайтынан.
