+22 °С
Ямғыр
Яңылыҡтар таҫмаһы
17 Апрель 2021, 05:45
Үҙ эшен булдырырға теләүсе аграрийҙарға - дәүләт ярҙамы
Билдәле булыуынса, бына икенсе йыл рәттән Башҡортостанда «Агростартап» гранттарын алыу мөмкинлеге бар. Ул "Кесе һәм уртаса эшҡыуарлыҡ һәм шәхси эшҡыуарлыҡ инициативаһына ярҙам итеү" милли проекты ярҙамында тормошҡа ашырыла. "Агростартап" үҙ эшен башларға теләүсе фермерҙарға ҙур ярҙам булып тора. Төп шарт - бирелгән субсидияға ҡушырға үҙеңдең дә аҡса булыу.
Яңауыл районының Вәрәш ауылында йәшәүсе Эльвина Ғилметдинова ла был финанс ярҙамды алырға йыйына. Ул ире менән КФХ асып, 30 баш герефорд тоҡомло таналар алып һимертеү базаһы булдырырға ниәтләй. Ғаилә бындай һыйыр малын үрсетеү шарттарын ныҡлап өйрәнгән һәм быны бизнес планын төҙөгәндә лә иҫәпкә алған. Әле Ғилметдиновтар конкурс иғлан ителеүен көтә һәм грант субсидияһын алырға өмөтләнә.
