+21 °С
Болотло
Яңылыҡтар таҫмаһы
14 Апрель 2021, 10:25
Президент вакцинаның икенсе өлөшөн дә яһатҡан
23 мартта Владимир Путиндың коронавирусҡа ҡаршы вакцина яһатыуын хәбәр иткәйнеләр. Белеүегеҙсә, беҙҙең ҡайһы бер вакциналар ике фазанан тора. Әле Рәсәй башлығы икенсе прививканы эшләткән.
"Барыһы ла яҡшы булыр тип өмөтләнәм. Өмөтләнәм генә түгел, ә ышанам. Һеҙгә лә шуны уҡ теләйем. Һеҙ ҙә, үҙегеҙҙе һәм яҡындарығыҙҙы хәстәрләп, вакцина яһатырһығыҙ, минән үрнәк алырһығыҙ тип уйлайым", - тигән Владимир Владимирович Рус География йәмғиәтенең попечителдәр советы ултырышында сығыш яһаған сағында.
Президент ҡайһы вакцинаны яһатҡандыр, ниңәлер әйтмәгән була. Ул бер нәмәгә ныҡлы ышаныста: тап прививка эшләтеү беҙҙе пандемия хәленән сығарасаҡ.
Әле Рәсәйҙә өс вакцина теркәлгән: "Спутник V", "ЭпиВакКорона" һәм "КовиВак".
Фото: Кремлин.ру
