+22 °С
Ямғыр
Яңылыҡтар таҫмаһы
24 Март 2021, 17:12
Шунда уҡ иптәшенә шылтыратһасы!
Октябрьский ҡалаһында йәшәгән 28 йәшлек егеткә "Бәйләнештә" иптәшенән яҙыу килгән: ул иртәгегә тиклем бурысҡа аҡса һораған, аҡса күсерер өсөн банк картаһының фотоһын төшөрөп һалған.
Картала иптәшенең исем-шәрифен күргәс, егет уға аҡса күсергән.
Икенсе көндө иптәше тағы ла үтескә аҡса һораған, проценттары менән ҡайтарам, тип вәғәҙә иткән.
Өсөнсө көндө лә был хәл ҡабатланғас, егет иптәшенә шылтыратҡан. Шунда ғына уның сәхифәһен муттар "баҫып" алғаны асыҡланған. Изге күңелле егет ике көн эсендә муттарға 23 мең һум аҡсаһын күсергән...
Был факт буйынса енәйәт эше асылыуы тураһында Ю.Венюкова хәбәр итә.
Фото: асыҡ сығанаҡтарҙан.
